Erik Lamela përsëri në Serie A!
Sulmuesi i Tottenham, Erik Lamela pritet të rikthehet në Itali gjatë merkatos së verës.
Argjentinasi ka kontratë me Spurs deri në vitin 2022 dhe nuk e ka ndërmend ta rinovojë atë.
Nga kjo situatë kërkon të përfitojë Milani dhe Rosonerët kanë nisur bisedimet për transferimin e 29-vjeçarit, raporton Todo Fichajes.
Rosonerët janë në kërkim të një sulmuesi për krahun e djathtë dhe Lamela është futbollisti i duhur.
Lamela ka realizuar katër gola këtë sezon në 33 ndeshje të luajtura, ndërsa Milan do të duhet të paguaj 10 milionë euro për kartonin e tij.
