Milan është shumë pranë arritjes së një marrëveshje për transferimin e Josip Ilicic nga skuadra e Atalantas.
Marrëdhëniet e sllovenit me skuadrën bergamase janë në nivelin më të ulët të mundshëm dhe Rossonerët po kërkojnë ta shfrytëzojnë këtë mundësi më së miri.
Milan është duke bërë gati ofertën dhe po përgatitë një shifër prej 6 milionë eurosh për të bindur bergamasët ta lënë të lirë atë që të largohet, raporton Gianluca Di Marzio.
Slloveni aktualisht merr një pagë prej 1.5 milionë eurosh në sezon, shifër kjo që Milan mund tja plotësojë pa ndonjë pengesë të madhe.
