Juventusi nuk e ka ndërmend që të kursejë financat e saj në merkaton e kësaj vere.
Kjo pasi priten shumë largime që do të mbushin arkat e Zonjës së Vjetër që do i lejojë ndërhyrje të rëndësishme në merkato.
Gianluigi Buffon tashmë dihet që do largohet mirëpo Biankonerët po bëjnë gati edhe largimin për Wojciech Szczesny i cili ka një pagë prej 7 milionë eurosh me një kontratë deri në 2024.
Nga ana tjetër Mino Raiola është duke negociuar transferimin e Donnarummas tek Zonja e Vjetër pasi ardhja e portierit të ri tek Milan, Mike Magnan ka përçuar një mesazh të fortë për të ardhmen e 22 vjeçarit.
Agjenti italian është duke kërkuar një pagë prej 10 milionë eurosh në sezon për gardianin e kombëtares italiane me një kontratë 5 vjeçare.
Kjo ofertë tashmë pritet të pranohet edhe nga Agnelli i cili duket i vendosur për të transferuar yllin e kuqezinjëve.
