Milani dhe Reali kanë gati shkëmbimin e merkatos së verës!
Milan dhe Real Madrid njihen për marrëdhëniet e shkëlqyeshme pas disa bashkëpunimeve në vitet e fundit.
Mediat spanjolle kanë lëshuar një lajm bombastik duke raportuar se Rosonerët dhe Los Blancos kanë gati shkëmbimin spektakolar për merkaton e verës.
Milan synon transferimin e Iscos për një kohë të gjatë, ndërsa Reali ia ka kërkuar Rosonerëve në këmbim kartonin e Alessio Romagnolit.
Rosonerët e shohin Iscon si zëvendësuesin ideal të Calhanoglut, ndërsa Madrilenët Romagnolin si zëvendësuesin ideal të Ramos.
Bisedimet do të fillojnë së shpejti dhe marrëveshja pritet të arrihet me lehtësi.
