Carlo Ancelotti i ka bërë të ditur Dani Ceballos që nuk e ka në planet e tij për sezonin e ardhshëm në Santiago Bernabeu dhe kaq ka mjaftuar për të ndezur zjarrin.
Interesimi për spanjollin nuk ka munguar asnjëherë por dëshira e tij ishte që të luante për Real Madrid, dëshirë kjo që nuk do të realizohet.
Tashmë është mundësia e artë për Milanin që të sigurojë shërbimet e një emri që është ndjekur me vite nga ta.
Kërkesa e Florentino Perez është për një shifër prej 40 milionë eurosh por kjo mbetet një shumë e lartë për Rossonerët të cilët do negociojnë për uljen e këtij çmimi.
Kjo kërkesë mund të pranohet nga Perez i cili po kërkon të largojë sa më shpejtë emrat që nuk janë në planet e Ancelottit.
