Barcelona është në luftë me kohën për të përmbushur kushtet financiare për të nënshkruar me futbollistët e rinj që transferoi këtë verë.
Për të arritur një gjë të tillë skuadra e Barcelonës duhet që të reduktojë pagat e futbollistëve ku është detyruar të largojë shumë emra të mëdhenj.
Prej të parëve që do largohet pritet të jetë Philippe Coutinho, emër të cilin Barcelona tashmë e ka nxjerrë në shitje.
Kur të gjithë prisnin skuadrën e Juventusit që të fillonte bisedimet me katalanasit për shërbimet e brazilianit, tashmë është një skuadër tjetër nga Apenine që po shqyrton këtë mundësi.
Bëhet fjalë për Lazion e cila po mendon seriozisht transferimin e Coutinhos në Olimpico.
Lucas Leiva pritet të luajë një rol kyç për të bindur brazilianin që të transferohet, për shkak se kanë qenë së bashku tek skuadra e Liverpool.
