Mesfushori i skuadrës angleze të Fulham, Zambo Anguissa pritet që gjatë orëve të ardhshme të zyrtarizojë transferimin e tij në Serie A.
Emri i tij muajt e fundit ka qenë i lidhur me disa skuadra të mëdha nga Apeninet ndërkohë që tani negociatat janë kah përfundimi dhe pritet zyrtarizimi i marrëveshjes.
25 vjeçari nga Kameruni pritet që ti bashkohet rradhëve të Napolit, me Luciano Spallettin që po kërkon me ngulm të sigurojë shërbimet e tij.
Për të pritet që të zbatohet gjithashtu formula e huazimit me të drejtë blerje në fund të sezonit që sapo ka nisur.
