Planet e merkatos nuk kanë të ndalur asnjëherë dhe tashmë dy nga skuadrat më të mëdha në Itali po bëjnë gati lëvizjet e tyre të rradhës.
Një shkëmbim i mundshëm mes Juventus dhe Interit mund të ndodhë gjatë janarit ose verës së ardhshme, lëvizje kjo e iniciuar nga Zonja e Vjetër.
Massimiliano Allegri ka disa futbollistë që nuk po i aktivizon fare dhe këta të fundit pritet që të largohet shumë shpejt nga Torino.
Weston McKennie është njëri ndër ta dhe Biankonerët po shpresojnë që ta shkëmbejnë atë me yllin e Neroazzurëve, Hakan Calhanoglu, i cili u transferua nga Milani me parametra 0.
Për Interin një gjë e tillë mund të jetë tunduese duke pasur parasysh moshën 27 vjeçare të turkut ndërkohë që amerikani i Juventusit është vetëm 23 vjeç.
