Jeremie Boga duket se ka marrë vendim që në fund të këtij sezoni mos të vazhdojë bashkëpunimin me Sassuolon dhe karierën ta vazhdojë tek një skuadër më e madhe.
Për Boga gjatë dy viteve të fundit ka pasur një interesim të madh mirëpo i cili nuk u konkretizua akoma por edhe durimit të sulmuesit tashmë i ka ardhur fundi.
Sulmuesi nga Bregu i Fildishtë ka një kontratë deri në qershor të 2022 dhe ‘Neroverdi’ kanë kërkuar 20 milionë euro për kartonin e tij.
Skuadra favorite për blerjen e kartonit të tij mbetet akoma Atalanta e cila është e gatshme akoma të dhurojë 20 milionë euro, aq sa po kërkojnë edhe drejtuesit e Sassuolos.
Një marrëveshje ka shumë mundësi që të arrihet edhe gjatë muajit janar.
