Sirena të reja për Lautaro Martinezin.
Argjentinasi edhe pas rinovimit të kontratës me Neroazzurët është akoma në qendër të vëmendjes ku tashmë është Chelsea e cila po kërkon ta bëj për vete atë.
Blutë e Londrës kanë gati planin perfekt për të bindur Marottan që të arrijnë një kompromis për të bërë përsëri dyshen Lukaku-Lautaro.
Chelsea më herët shfaqi gatishmërinë për të ofruar shërbimet e Timo Werner por një gjë e tillë nuk u konsiderua e mjaftueshme nga kampionët e Serie A.
Tashmë Thomas Tuchel është në gjendje që të heqë dorë gjithashtu edhe nga Mateo Kovacic, emër ky që më herët ishte i kërkuar nga skuadra e Inzaghit.
Inter dëshiron vetëm para në këmbim të kartonit të tij por nëse dëshira e argjentinasit është që të largohet atëherë Beppe Marotta nuk do të ketë shumë mundësi para vetes.
