Sulmuesi holandez i Barcelonës, Memphis Depay po shqyrton mundësinë e largimit nga Camp Nou dhe destinacioni i tij i rradhës pritet që të jetë Serie A.
Ditë më parë u raportuar se trajneri aktual i Barcelonës, Xavi Hernandez ka arritur një marrëveshje personale me Alvaro Moratan për transferimin e tij në fund të këtij sezoni.
Fichajes.net ka bërë të ditur që katalanasit tashmë do të synojnë që në negociata të përfshijnë edhe kartonin e sulmuesit holandez i cili do e mirëpriste një transferim tek Zonja e Vjetër.
Massimiliano Allegri po sheh tek Depay emrin e duhur për sulmin por gjithashtu shpreson që holandezi mund të mbushë boshllëkun që ka krijuar dëmtimi i Federico Chiesas.
