Jose Mourinho i ka treguar Romës rrugën për ta bërë atë të lumtur dhe kjo është me një merkato të pasur gjatë verës.
Emri i Special One është sinonim i triumfit por një gjë e tillë tek Giallorossët duhet që të shoqërohet me disa blerje të rëndësishme këtë verë.
Tashmë tek Giallorossët është duke u bërë gati plani për një investim 100 milionësh gjatë merkatos verore, që do të ndërrojë plotësisht fytyrën e skuadrës kryeqytetase.
La Gazzetta dello Sport bën të ditur edhe objektivat e Mourinhos dhe ata nuk janë emra të panjohur për mediat italiane.
Bëhet fjalë për Marcos Senesi, Granit Xhakan dhe emri i tretë është ai i serbit Filip Kostic, emra këta që priten të krijojnë një skuadër më kompetitive.
