Nuk mbaron me Calhanoglun, një tjetër yll i Rosonerëve transferohet te rivalët e përjetshëm!
Milan dhe Inter janë protagonistët kryesorë në dy sezonet e fundit në Serie A, duke luftuar për Scudetton.
Rosonerët renditen në pozitën e parë këtë sezon me dy pikë më tepër se Neroaxurët që kanë një ndeshje më pak.
Përveç rivalitetit në fushë, Milan dhe Inter janë rivalë edhe në merkato, ndërsa verën e kaluar ishim protagonist të një tradhëtie kur Calhanoglu vendosi që t’i bashkohet Neroaxurëve.
Calcio Mercato, shkruan se rasti i Calhanoglut mund të përsëritet te Milani, pasiqë Mino Raiola ia ka ofruar Romagnolin Interit.
Romagnolit i skadon kontrata me Milanin në fund të sezonit dhe Inter mund të përfitojë përsëri duke e transferuar me parametra zero.
Njëri nga dyshja Skriniar-De Vrij pritet të largohet nga skuadra në verë dhe Romagnoli do të ishte zëvendësuesi ideal.
