Milani gati ta thyej rekordin e klubit për yllin e ri.
Milan mbrëmë u mposht nga Torino me rezultat 2-1, ndërsa në qendër të kritikave ishte Rafael Leao për rastet e humbura në fillim të ndeshjes.
Edhe përkundër paraqitjeve mbreslënëse këtë sezon, Rafael Leao në fund të sezonit sipas të gjitha gjasave do të largohet nga San Siro.
Drejtuesit e Milanit nuk po arrijnë marrëveshje me portugezin për rinovimin e kontratës, e cilia i skadon në vitin 2024.
Milan do të arkëtojë 100 milionë euro verën e ardhshme nga shitja e Leaos dhe Maldini ka piketuar pasardhësin ideal.
Bëhet fjalë për sulmuesin e Shakhtar Dontesk, Mykhaylo Mudryk, i cili po shkëlqen këtë sezon duke realizuar 7 gola në 12 ndeshje, 3 prej tyre në Champions League.
Falë paraqitjeve të mira, ukrainasi ka përfunduar në shënjestrën e gjigantëve europian dhe Shakhtar Dontesk kërkon më së paku 80 milionë euro për ta lënë të lirë.
Calcio Mercato, shkruan se nëse Mudryk vazhdon me paraqitjet e mira, Milan do ta paguaj shumën e kërkuar nga Shakhtari, duke thyer kështu rekordin e klubit.
