Inter dhe Atletico kanë gati shkëmbimin spektakolar.
Klubet e mëdha të Europës nuk shqetësohen vetëm për rezultatet e fushës, por edhe për merkaton e dimrit dhe atë të verës.
Hakan Calhanoglu është njëri nga lojtarët më të kërkuar të Interit. Mesfushori turk ka realizuar 3 gola dhe 5 asistime në 20 ndeshje të luajtura me Interin këtë sezon.
Para transferimit të tij te Interi, për Calhanoglun kishte shfaqur interesim Atletico Madrid dhe Simeone synon transferimin e tij në merkaton e janarit.
Calcio Mercato, ka lëshuar një lajm bombastik duke shkruar se Atletico Madrid do tia ofrojë Interit kartonin e Rodrigo De Paul në këmbim të Calhanoglut.
De Paul po shkëlqen me Argjentinën në Botëror dhe ka qenë në shënjestrën e Interit për një kohë të gjatë.
Neroaxurët janë të hapur për ta pranuar ofertën e Atleticos dhe bisedimet pritet të fillojnë pas përfundimit të Botërorit.
