Juventus siguron goditjen e parë për merkaton e verës.
Klubet e mëdha të Europës nuk shqetësohen vetëm për rezultatet e fushës, por edhe për merkaton e verës.
Mes skuadrave më aktive është padyshim Juventusi, me drejtuesit që kanë siguruar përforcimin e parë për sezonin e ardhshëm.
Sipas mediave spanjolle, Juventus ka arritur marrëveshje verbale me përfaqësuesit e yllit të Villarreal, Pau Torres.
Torres ka kontratë me Villarrealin deri në vitin 2024, ndërsa klauzola e tij është 50 milionë euro.
Klubi spanjoll do ta lërë të lirë atë për një shifër më të ulët dhe tani mbetet që të arrihet marrëveshja mes dy klubeve.
