Simone Inzaghi ka kontratë deri më 30 qershor 2024 me Inter-in, por largimi i tij mund të ndodhë më herët.
Konfirmimi në stolin zikaltër do të vijë nga një kusht shumë i vështirë: fitimi i finales së Champions League.
Nëse Manchester City i Guardiolës fiton, atëherë Marotta do të shkarkojë Inzaghin nga posti i tij dhe tashmë duket se e ka gati trajnerin e ri.
Sipas calciomercatoweb.it, në fakt, Interi tashmë ka arritur një marrëveshje paraprake me pasardhësin e Inzaghi-t dhe se kjo marrëveshje do të respektohej pavarësisht rezultateve të shkëlqyera që ka arritur Inzaghi prej javësh.
Emri në fjalë është ai i Thiago Motta-s, të cilin Marotta duket se e ka ‘bllokuar’ tashmë në pritje të sezonit të ardhshëm.
Nëse skuadra e Pep Guardiolës do të ngrinte Champions League, atëherë ish-mesfushori dhe trajneri aktual i Bolognas do të ishte në pozitë të mirë për të marrë drejtimin e Interit në sezonet e ardhshme.
Si gjithmonë, fjala do t’i kalojë së shpejti fushës dhe rezultateve që zikaltrit do të marrin në shtëpi nga tani deri në mes të qershorit: Thiago Motta në pole position për t’u bërë trajneri i ardhshëm i Interit.
