Lajm bombastik nga Spanja, Franck Kessie rikthehet në Serie A.
Mesfushori i Barcelonës, Franck Kessie është njëri nga lojtarët më të përfolur muajt e fundit
Kessie u transferua te Barcelona me parametra zero, pas pesë sezoneve me fanellën e Milanit.
Edhe pse arriti ta fitojë La Liga-n në sezonin e tij të parë me Blaugranët, Kessie nuk bën pjesë në planet e Xavit dhe do të largohet nga Camp Nou gjatë kësaj vere.
Zërat për rikthimin e tij në Serie A, sa vijnë e shtohen, ndërsa portali i njohur spanjoll për transferime Todo Fichajes, ka lëshuar një lajm bombastik duke shkruar se Juventus ka arritur marrëveshje me Barcelonën për transferimin e Kessie.
Sipas Todo Fichajes, Juventus do të paguaj 15 milionë euro për kartonin e Kessie dhe tani pritet vetëm largimi i Pogbas që ky operacion të materalizohet.
Pogba përfiton 10 milionë euro në sezon te Zonja e Vjetër dhe largimi i tij nga klubi do të mundësojë afrimin e Kessie.
