Vetëm një vit më parë, Federico Bernardeschi u largua nga Juventusi pasi kontrata e tij me bardhezinjtë skadoi.
Sulmuesi italian zgjodhi të vazhdojë karrierën në Major League Soccer për Toronton.
Edhe pse u largua nga kombi i tij para një viti, 29-vjeçari është pranë rikthimit në Serie A.
Siç raporton “Sportmediaset”, Bernardeschi është tashmë një opsion real i Bolognas për sezonin e ardhshëm dhe pëlqehet shumë nga trajneri Thiago Motta.
E vetmja gjë që momentalisht po pengon klubin italian për sulmuesin është kontrata e tij me Toronton që skadon më 31 dhjetor të vitit 2026.
Në 21 ndeshje këtë sezon me klubin amerikan në kampionat, Bernardeschi ka shënuar 3 gola dhe 4 asiste.
