Interi kompletoi një vit perfekt në aspektin e derbit ndaj Milanit, pasi fitoi të 5 përballjet e 2023-shit, dy prej të cilave në kampionat, dy në Champions League dhe një në Superkupën e Italisë.
Zikaltrit triumfuan me rezultatin 5-1 pasditen e të shtunës në “San Siro”, aty ku diferencën e bëri armeni Heinrikh Mkhitaryan me dy gola e një asist, por nuk mbeti pas as Marcus Thuram, që tregoi se është vendimtar, veçanërisht në pjesën e parë.
Fitoren e Interit e vulosën Calhanoglu dhe Frattesi, duke poshtëruar kështu Milanin e Piolit.
Gazetari i njohur Daniele Longo, ka lëshuar një lajm bombastik duke raportuar se pas ndeshjes Furlani dhe Moncada janë përplasur me Piolin dhe lojtarët e skuadrës në dhomat e zhveshjes.
Drejtuesit e Milanit nuk kanë qenë aspak të kënaqur nga rezultati i ndeshjes, por edhe nga mënyra se si Pioli e menaxhoi skuadrën.
Furlani dhe Moncada gjatë merkatos së verës ia siguruan Piolit të gjithë lojtarët që kishte kërkuar, por kjo nuk mjaftoi që Milan të shmang humbjen e pestë rradhazi në derbi.
 
Moncada e Furlani nello spogliatoio a fine partita: confronto dopo l’umiliazione subita @cmdotcom
— Daniele Longo (@86_longo) September 16, 2023
