E bujshme, Davide Calabria largohet nga Milani.
Kapiteni i Milanit, Davide Calabria është njëri nga lojtarët më të kritikuar nga tifozët e Rosonerëve.
Calabria konsiderohet si pika më e dobët e skuadrës dhe sipas raportimeve të fundit italiani mund të largohet nga Milani pas përfundimit të sezonit.
Portali i njohur spanjoll për transferimet e lojtarëve fichajes.net, ka lëshuar një lajm të bujshëm duke shkruar se Calabria ka përfunduar në orbitën e Realit.
Carlo Ancelotti e ka piketuar Calabrian si zëvendësuesin ideal të Dani Carvajal, pasiqë spanjolli do të largohet nga Reali verën e ardhshme.
Calabria ka kontratë me Milanin deri në vitin 2025, ndërsa vlera e tij në treg është 20 milionë euro.
Në rast se nuk rinovon kontratën, drejtuesit e Milanit do ta lënë të lirë verën e ardhshme për 15 milionë euro.
