Lajm i bujshëm nga Italia, Vedat Muriqi rikthehet në Serie A.
Bomberi shqiptar, Vedat Muriqi po shkëlqen te Mallorca duke realizuar 25 gola dhe 9 asistime në 63 ndeshje të luajtura me ekipin spanjoll.
Falë paraqitjeve të mira Muriqi ka përfunduar në shënjestrën e disa skuadrave dhe sipas raportimeve të fundit 29-vjeçari mund të rikthehet në Serie A.
Calciomercato, shkruan se Bologna dhe Udinese do të garojnë në janar për shërbimet e Muriqit.
Dy klubet e Serie A janë në kërkim të një qendërsulmuesi dhe e kanë piketuar Muriqin si përforcimin ideal.
Muriqi ka kontratë me Mallorcan deri në vitin 2027 dhe për ta transferuar atë Bologna dhe Udinese do të duhet të shpenzojnë 20 milionë euro.
