Milan nxjerr në shitje yllin e skuadrës.
Milan dhe ylli i skuadrës janë larg arritjes së marrëveshjes për rinovimin e kontratës, ndërsa interesim për të kanë shfaqur katër gjigantë europian.
Bëhet fjalë për Mike Maignan të cilit kontrata aktuale i skadon në qershor të vitit 2026.
Sipas “FootMercato” bëhet e ditur se për momentin ka ngecur rinovimi me kuqezinjtë. Shkak është bërë paga që lojtari kërkon dhe në këto kushte “heshtja” ka kapluar palët.
Gjithsesi duke parë këtë situatë, janë 4 klube që kanë shfaqur interes për shërbimet e portierit.
PSG-ja , Bayern Munich, Chelsea dhe Manchester United janë ekipet që mbajnë një “sy” nga gardiani i Milan.
Kuqezinjtë për të lënë të lirë Maignan kërkojnë jo më pak se 70 milionë euro. Mbetet të shihet se cili prej ekipeve do të mund të sigurojë shërbimet e francezit, me merkaton e janarit që prite të jetë e zjarrtë.
