Juventus dhe Milan në garë për yllin 60 milionësh.
Real Sociedad mund ta ketë shumë të vështirë të mbajë lojtarët më të mirë këtë verë.
Takefusa Kubo thuhet se kërkohet nga klube si Liverpool, ndërsa Mikel Merino ka tërhequr së fundmi interes – edhe pse në rastin e këtij të fundit, po bëjnë lëvizje për të ruajtur shërbimet e tij për sezonin e ardhshëm dhe më tej.
Një tjetër lojtar që mund të largohet nga Donostia-San Sebastian është Martin Zubimendi.
25-vjeçari shihet si në nivelin e lartë të mesfushorëve mbrojtës në Evropë dhe ai ka vazhduar të impresionojë gjatë muajve të fundit, pavarësisht formës të keqe La Real.
Arsenali dhe Barcelona kanë shfaqur interesim për Zubimendin në të kaluarën dhe tani, më shumë klube kanë hyrë në garë.
Sipas La Gazzetta dello Sport, lojtari spanjoll kërkohet nga Juventus dhe Milan për merkaton e verës.
Klauzola e lirimit të Zubimendit është 60 milionë euro dhe kjo është shifra e saktë që Real Sociedad do të kërkonte nga çdo klub i interesuar.
Megjithatë, edhe nëse kjo paguhet, marrëveshja me lojtarin nuk do të ishin aq e sigurt, pasi Zubimendi ka ripërsëritur dëshirën e tij për të qëndruar te Sociedad në shumë raste në 18 muajt e fundit.
