Interi ndryshon në sulm. Skuadra zikaltrit është e zënë në dy fronte në këtë moment të sezonit.
Nëse nga njëra anë Simone Inzaghi duhet të mbajë ekipin të përqendruar për titullin, nga ana tjetër është dëshira e klubit për të forcuar ekipin për sezonin e ardhshëm.
Në fakt, në vitin 2025 nuk do të luhet vetë për Serinë A, Champions League dhe Kupën e Italisë. Objektivave do t’i shtohet edhe Kupa e Botës për Klube e rinovuara në qershor.
Pra, klubi ka vënë në shënjestër repartin e sulmit ku mund të ketë një goditje të bujshme. Sipas edicionit të sotëm të Tuttosport, emri është ai i Ciro Immobile.
Sulmuesi i Lazios ka një kontratë që skadon në vitin 2026 dhe një kontratë me vlerë 4 milionë euro plus bonuse, por mund të ndryshojë fanellën e tij në qershor.
Gazeta shpjegon sesi të mërkurën, para ndeshjes kundër Atletico Madridit, në hotelin e zikaltërve, ka pasur një vajtje-ardhje menaxherësh (përfshirë edhe atë të Lautaro Martinez).
Një prej tyre ishte Marco Sommella i cili kujdeset për interesat e sulmuesit të Lazios dhe kombëtares italiane.
