De Bruyne po kërkon shtëpi në qytetin italian.
Kevin De Bruyne nuk do ta zgjasë kontratën e tij me Manchester City për të luajtur në Kupën e Botës për klube këtë verë.
Mesfushori do të largohet nga City që në fund të majit, menjëherë pasi të luajë edhe ndeshjen e fundit sezonale, atë ndaj Fulham, më 25 maj. Ndërkohë që sfida e fundit para fansave të tij do të jetë ndaj Bournemouth.
Kontrata e De Bruyne është e vlefshme deri në fund të qershorit, që është në mes të Kupës së Botës për klube, turne që zhvillohet në Majemi.
Lojtarët kanë mundësinë ta zgjasin kontratën edhe me dy javë të tjera për t’u dhënë atyre mundësinë të luajnë në turneun e zgjeruar të FIFA-s. Gjithsesi, belgu ka vendosur të largohet më herët.
Gazetari i njohur italian Alfredo Pedulla, ka lëshuar një lajm bombastik duke raportuar se De Bruyne ka arritur marrëveshje me Napolin.
Mesfushori belg do të firmos kontratë dy vjeçare me Napoletanët dhe madje është në kërkim të një shtëpie në Napoli.
