Merkatoja e Milanit këtë verë po bazohet kryesisht në transferime të emrave të rinj të cilët pritet të jenë ‘mburoja’ e skuadrës për të ardhmen.
Një emër i ri është shfaqur në horizontin e kuqezinjëve.
Bëhet fjalë për Boubacar Kamara i cili aktualisht është pjesë e skuadrës së Marseille.
I lindur në 1999, ai tashmë ka një kontratë që do skadojë vitin e ardhshëm dhe ky është momenti i duhur për të siguruar shërbimet e tij.
Për transferimin e francezit i cili mund të luajë edhe në qendër të mbrojtjes do të kërkohet një investim i rëndësishëm.
Corriere dello sport raporton që Milan për të mund të bëj një ofertë me vlerë 20 milionë euro.
