Lucas Torreira rikthehet në Serie A!
Mesfushori i Arsenalit, Lucas Torreira është rikthyer në Emirates pas huazimit për një sezon te Atletico Madrid.
Mesfushori uruguaian nuk ka arritur të bind Colchoneros për ta blerë kartonin e tij dhe Topçinjtë janë të gatshëm ta huazojnë përsëri 25-vjeçarin.
E përditshmja italiane La Repubblica, raporton se Arsenali ia ka ofruar Milanit huazimin e Torreiras me opsion blerjeje.
Rosonerët nuk ia kanë mbyllur derën këtij operacioni dhe bisedimet pritet të fillojnë së shpejti.
Torreira do të ishte një përforcim ideal për vijën e mesfushës, pasiqë Meite është rikthyer te Torino.
