Andrea Belotti muajve të fundit ka qenë njëri prej emrave më të përfolur sa i përket merkatos së verës, kur edhe i skadon kontrata me Torinon.
Sulmuesi i kombëtares italiane ka bërë të ditur që nuk do të rinovojë më me Torinon dhe kjo gjë ka bërë që pothuajse të gjitha skuadrat italiane të kërkojnë transferimin e tij.
Milan dhe Inter deri para disa kohësh ishin favoritë për të siguruar shërbimet e tij por dy skuadrat nga Milano duket se janë tërhequr nga kjo garë duke i lënë kështu rrugën e hapur Atalantas.
Gazetari Nicolo Schira bëri të ditur që skuadra e Gasperinit është duke negociuar me futbollistin për transferimin e tij me parametra 0 gjatë afatit kalimtar veror.
