Ylli i skuadrës së Club Brugge, Charles De Ketelaere ka kohë që po ndiqet nga dy skuadrat e mëdha italiane, Inter dhe Milan.
Calciomercato bën të ditur se agjenti i futbollistit ka arritur tashmë në Itali për të përmbyllur një marrëveshje për transferimin e tij.
Këtë garë pritet ta fitojë Milani pasi Inter raportohet se ditëve të fundit ka vendosur që të tërhiqet nga kjo garë.
Milan nga ana tjetër është e vetëdijshme se për të mbrojtur titullin e fituar duhen ardhje të reja dhe De Ketelaere shihet si një futbollist me shumë potencial.
Përveç tij gjatë ditëve të ardhshme Rossonerët priten të zyrtarizojnë edhe transferimin e Divock Origit nga Liverpool.
