Edin Dzeko largohet nga Interi, por jo nga Serie A!
Sulmuesi boshnjak, Edin Dzeko mund të largohet nga Interi këtë verë pas vetëm një sezoni me fanellën e Neroaxurëve.
Dzeko u transferua te Interi verën e kaluar me parametra zero dhe arriti që të realizojë 17 gola dhe 10 asistime në 49 ndeshje të luajtura.
Por rikthimit i Lukakut në Meazza, Dzeko ka rënë në plan të dytë dhe drejtuesit janë të hapur për shitjen e tij.
E përditshmja italiane Tuttosport, ka lëshuar një lajm bombastik duke shkruar se Juventus synon transferimin e Dzekos.
Biankonerët e shohin Dzekon si zëvendësuesin ideal të Moratas, i cili do të largohet nga klubi.
