Si një rrufe nga qielli, oferta prej 60 milionë eurove ka arritur në adresë të Juventusit.
Cristiano Ronaldo mbrëmë shënoi ndaj Sassuolos dhe e barazoi rekordin e Josef Bican prej 759 golave.
Portugezit i duhet vetëm edhe një gol për tu bërë futbollisti me më së shumti gola të shënuar në historinë e futbollit.
Portali i njohur Don Balon, ka lëshuar sot një lajm bombastik, duke raportuar se Manchester United i ka ofruar Juventusit 60 milionë euro për Ronaldon.
Don Balon, shkruan se Djajtë e Kuq e konsiderojnë këtë ofertë mëse të mjaftueshme duke pasur parasysh krizën ekonomike të shkaktuar nga Covidi dhe moshën e Ronaldos.
Kontrata e Ronaldos me Juventusin skadon në vitin 2022 dhe Biankonerët janë duke konsideruar shitjen e tij në fund të sezonit.
Se a do të largohet Ronaldo nga Juventusi mbetet ta shohim pas përfundimit të sezonit.
Portugezi ka luajtur 17 ndeshje këtë sezon dhe ka shënuar 19 gola.
