Merkatoja e Milanit ditëve të ardhshme pritet të jetë shumë e ngjeshur dhe ardhje të reja priten gjithashtu.
Për Paolo Maldini tashmë reparti që duhet përforcuar më së shumti është ai i mbrojtjes ku në mendje ka disa emra të cilët po kërkon që të sillen në San Siro gjatë këtij muaji.
Njëri prej tyre është Fikayo Tomori, qendër-mbrojtësi i skuadrës së Chelseas për të cilin skuadra londineze ka kërkuar hiç më pak se 30 milionë euro por mosha e tij e re premton shumë për të ardhmen.
Ndërsa emri tjetër është ai i Nuno Mendes të Sporting Lisbonës i cili ka kohë që po kërkohet dhe tashmë Rossonerët kanë mundësinë e duhur për transferimin e tij.
