Paolo Maldini ka gati dhuratën e parë për Stefano Piolin.
Silas Wamangituka, sulmues kongolez i Stuttgart, është një objektiv i Milan-it.
Sipas Sportmediaset, kuqezinjtë kanë vënë në shënjestër 21-vjeçarin, i cili ka shënuar 13 gola në 24 ndeshjet e luajtura në këtë sezon me gjermanët.
Wamangituka mund të luajë si sulmues krahu dhe si qendërsulmues.
Stuttgart e ka marrë nga Paris FC në 2019-ën për një shifër të përafërt me 8 milionë euro dhe tani vlera e tij është trefishuar.
Paraqitjet e tija nuk kanë kaluar pa u vënë re dhe sulmuesi afrikan po përgatitet për hapin e madh.
