Milan ka gati një transferim që e synon tash e një vit pasi për shkak të mundësive financiare nuk arriti ta përfundonte një gjë të tillë verën e kaluar.
Bëhet fjalë për mbrojtësin e skuadrës së Fiorentinës, Nikola Milenkovic i cili tashmë është i volitshëm për një çmim prej 30 milionë eurosh pasi verën e kaluar skuadra nga Firence kërkonte deri në 50 milionë euro për shërbimet e tij.
Serbi ka një kontratë që skadon në qershor të vitit 2022 dhe për Fiorentinën kjo verë është mundësia e fundit për shitjen e tij pasi ai nuk dëshiron më rinovimin.
Rossonerët kanë filluar përgatitjet e para për blerjen e tij dhe mësohet se La Viola do të jetë e kënaqur me një ofertë prej 30 milionë eurosh.
