Wilfried Singo pranë transferimit më të madh në karrierën e tij.
Mbrojtësi i Torinos, Singo ka përfunduar në shënjestrën e gjigantëve europian falë sezonit të shkëlqyeshëm që po bën.
Singo ka luajtur 24 ndeshje këtë sezon me Torinon, ka realizuar një gol dhe ka bërë tre asistime.
20-vjeçari është i lidhur me një transferim te Liverpooli, mirëpo sipas raportimeve të fundit në garë është përfshirë edhe Milani.
Calcio Mercato, raporton se Rosonerët synojnë transferimin e Singos në merkaton e verës.
Singo mund të luaj në qendër të mbrojtjes dhe nga krahu i djathtë i mbrojtjes, prandaj pëlqehet shumë nga Pioli.
Milan është favorit për transferimin e Singos, pasiqë bashkëkombasi i tij Kessie e ka bindur atë që ti bashkohet Rosonerëve.
Ivoriani ka kontratë me Torinon deri në vitin 2023, ndërsa Milan do të duhet të paguaj 15 milionë euro për kartonin e tij.
