Fabian Ruiz është njëri nga lojtarët më të përfolur te Napoli.
Që nga ardhja e Gattusos, forma e Ruiz ka rënë dukshëm, pasiqë Rino ia ndërron atij shpesh pozicionin dhe spanjolli mund të largohet në fund të sezonit nga Napoli.
Portali i njohur spanjoll Todo Fichajes, raporton se Juventus synon transferimin e Ruiz në merkaton e verës.
Pirlo e pëlqen shumë spanjollin dhe beson se Ruiz do të ishte një përforcim i madh për skuadrën e tij.
De Laurentiis është i hapur për shitjen e Ruiz dhe për ta lënë të lirë kërkon 50 milionë euro.
Biankonerët janë të bindur se mund të arrijnë marrëveshje dhe në operacion mund të përfshihet edhe Bernardeschi.
