Krzysztof Piatek pranë rikthimit në Itali.
Bomberi polak është njëri nga lojtarët më të përfolur ditët e fundit, pasiqë është i lidhur me një rikthim në Serie A.
Piatek nuk ka arritur të ambientohet në Bundesligë dhe dëshiron rikthimin në Itali dhe interesim për të kanë shfaqur rivalët e përjteshëm të Milanit.
E përditshmja italiane Tuttosport, raporton se Juventus synon transferimin e Piatek brenda këtij muaji.
Biankonerët besojnë se mund ta rikthejnë polakun në formën e duhur dhe kanë nisur bisedimet me Hertha Berlinin.
Piatek ka kontratë me Herthan deri në vitin 2025, ndërsa vlera e tij në treg është rreth 20 milionë euro.
Juventus do të huazojë Piatekun me opsion blerjeje në fund të sezonit, ndërsa polaku është i gatshëm që ta vesh fanellën e Biankonerëve.
