Mund të ketë mbaruar sezoni i Philippe Coutinho te Barcelona.
Përveç problemeve fizike, duket se ka edhe arsye ekonomike mbrapa mundësisë për të mos e parë më brazilianin në fushë me fanellën blaugrana në këtë sezon.
Sipas Onze, ish-lojtari i Liverpool-it duket se është “viktimë” e bonuseve të mundshëm që klubi katalanas do të duhet t’u paguajë anglezëve nëse plotësohen kushte të caktuara.
Nga sa mësohet, mes Barçës dhe Liverpool-it luajnë 5 milionë euro. Dy klubet kanë një marrëveshje që parashikon disa bonuse në rast se braziliani do të luajë edhe 7 ndeshje në këtë sezon.
Sipas Onze, kjo është arsyeja pse lojtari nuk do të zbresë më në fushë me katalanasit në këtë sezon.
