Një nga sfidat më të zjarrta të mbrëmjes në Europa League u luajt në “Olimpico” të Romës mes Benficas dhe Arsenalit që u mbyll në barazim 1-1, duke e lënë të hapur çështjen e kualifikimit.
Të dy golat u shënuan në pjesën e dytë. Fillimisht realizoi Pizzi i skuadrës Portugeze, me 11-metërsh, ndërsa për “Topçinjtë” barazoi Saka.
Napoli është me një këmbë jashtë kompeticionit, pas disfatës 2-0 në fushën e Granadas, për të cilën realizuan Herrera dhe Kenedy në një hark kohor prej dy minutash (19’ dhe 21’).
Merr rezultat mjaft pozitiv Ajaxi i Amsterdamit, që iu imponua 1-2 francezëve të Lille. Vendësit kaluan të parët në epërsi me Weah, por “harkëtarët” u kundërpërgjigjën me Tadic (11-m) dhe Brobbey.
Villareali gjithashtu shkon me avantazh shumë të madh në sfidën e kthimit pas suksesit 0-2 në fushën e Salzburgut, ku realizuan Alcacer (humbi gjithashtu 11-metërsh në pjesën e parë) dhe Nino.
U shënuan plot shtatë gola në sfidën mes Antwerpit dhe Rangers, ku pati përmbysje e ripërmbysje e ku në fund triumfuan skocezët 3-4.
Përfundoi 3-3 Molde-Hoffenheim, ndërsa Maccabi Tel Aviv – Shaktat Donetsk u mbull 0-2.
