Manchester City është rikthyer të hedhë sytë nga tregu brazilian për të siguruar talente për të ardhmen.
Drejtuesit e “Cityzens” kanë shënjestruar Kayky, 17-vjeçarin i cili ka spikatur me moshat e ekipit të Fluminenses.
Sipas mediave në Angli, klubi nga “Etihad Stadium” ka pëgatitur një ofertë prej 21 milionë sterlinash për të bindur Fluminensen të heqë dorë nga shërbimet e talentit.
Vërtet një shifër e lartë kur bëhet fjalë për një lojtar që ende nuk ka debutuar në futbollin profesionist.
Gjithsesi, kur kemi parë lojtarë si Vinicius dhe Rodrygo të blerë nga Reali për 50 milionë euro, nuk do të ishte çudi edhe transferimi i Kayky në Angli për 21 milionë sterlina.
