Lajm i bujshëm nga Spanja, Ferran Torres largohet nga Barcelona.
Sulmuesi i Barcelonës, Ferran Torres mund të largohet nga Camp Nou pas vetëm një gjysëm sezoni me fanellën e Blaugranëve.
Torres u transferua te Barcelona në janar të këtij viti, por nuk ka arritur të bind drejtuesit e klubit.
Sulmuesi 22-vjeçar ka realizuar 6 gola dhe 6 asistime në 25 ndeshje të luajtura me Barcelonën, ndërsa Blaugranët nuk ia kanë paguar Cityt ende shumën prej 55 milionë eurove.
Prurjet e shumta në skuadër gjatë kësaj vere kanë bërë që Torres ta humbasë vendin e titullarit dhe dy gjigantë anglez kanë shfaqur interesim për spanjollin.
Chelsea dhe Manchester United janë të interesuara për transferimin e Torres, shkruan portali i njohur spanjoll për transferime Todo Fichajes.
Blutë e Londrës janë të gatshëm të ofrojnë 40 milionë euro për Torres dhe Laporta është duke konsideruar seriozisht mundësinë e shitjes.
