Kayky konsiderohet Neymari i ri në Brazil dhe sytë e shumë klubeve europiane janë vendosur te ai.
Edhe pse sulmuesi është ende 17 vjeç, ka shënuar golin e dytë si profesionist me fanellën e ekipit legjendar Fluminense.
I riu ka ndëshkuar skuadrën e Nova Iguacu, pasi ka “vallëzuar” në mbrojtjen kundërshtare. Cilësi të padiskutueshme teknike të sulmuesit, i cili pritet të zbarkojë së shpejti në Europë.
Mes klubeve që janë interesuar më shumë është Manchester City i Pep Guardiola, por duhet që në fillim djaloshi të mbushë 18 vjeç.
Flitet për një marrëveshje mbi bazën e 10 milion eurove, ndërkohë që 7 milion të tjera klubi brazilian mund t’i fitojë prej bonuseve.
