Jose Mourinho ka gati goditjen stratosferike për merkaton e verës.
Emërimi i Mourinhos si trajner i Romës, është lajmi kryesor në mediat sportive ditët e fundit.
Roma pritet të bëjë goditje të mëdha në merkaton e verës dhe sipas të gjitha gjasave Giallorosët do ta thyejnë rekordin për sa i përket transferimit më të shtrenjtë në historinë e klubit.
Portali i njohur spanjoll Todo Fichajes, raporton se Mourinho dëshiron transferimin e Pierre-Emile Höjbjerg në Olimpico.
Mesfushori danez u transferua te Tottenham verën e kaluar pikërisht kur Mourinho ishte trajner i Spurs dhe tani portugezi e dëshiron 25-vjeçarin te Roma.
Höjbjerg ka luajtur 49 ndeshje këtë sezon, ka realizuar një gol dhe ka bërë katër asistime.
Drejtuesit e Tottenham nuk e kanë në plan ta shesin atë, mirëpo Roma është e gatshme të bëjë çmendurinë dhe të ofrojë 60 milionë euro për të bindur Spurs.
