Ditëve të fundit emri i ish sulmuesit të Napolit, Arkadiusz Milik është përmendur shumë nga mediat italiane për një rikthim të mundshëm në Serie A, kësaj rradhe tek Milani por një gjë e tillë duket se nuk do ndodhë.
Tashmë në garë ka hyrë skuadra e Juventusit e cila duket shumë më serioze sesa Milani për ta rikthyer atë.
Siç raporton Tuttosport, marrëdhëniet e shkëlqyera të sulmuesit të Marseille dhe të presidentit të kësaj skuadre Pablo Longoria me përfaqësuesit e Juventusit e bëjnë rikthimin e tij në Serie A shumë të mundshëm të ndodhë javëve të ardhshme.
Alvaro Morata mund të largohet këtë verë nga Torino dhe kjo do ti japë polakut hapësirën e nevojshme për të siguruar një vend titullari tek Biankonerët.