Cristiano Ronaldo ka shumë mundësi që do të largohet nga Juventusi gjatë orëve të ardhshme dhe Juventus tashmë ka gati emrin që do zërë vendin e tij.
Portugezi tashmë dëshiron largimin nga Torino dhe kjo gjë është diçka e dukshme pasi një transferim tek Manchester City po përflitet çdo ditë e më shumë.
Por pikërisht nga skuadra e Guardiolës pritet që të vijë edhe zëvëndësuesi i tij.
Gabriel Jesus është një objektiv që nuk është i ri për Biankonerët dhe tani mundësia e duhur ka trokitur në derë për skuadrën e Allegrit.
Në këtë mënyrë edhe City do të jetë e gatshme ta lejojë transferimin e tij në Allianz Stadium nëse do të sigurojnë shërbimet e CR7 dhe Zonja e Vjetër ndahet e kënaqur që do heqë një barrë të madhe financiare siç është paga e portugezit.
