Anthony Martial transferohet në Serie A.
Sulmuesi i Manchester United, Anthony Martial është pjesë e Djajve të Kuq për gjashtë vite, por asnjëherë nuk ka arritur të përmbush pritshmëritë për të.
Francezi ka rënë në plan të dytë në skuadrën e Solskjaer dhe drejtuesit janë të gatshëm që ta huazojnë në merkaton e janarit.
Mediat angleze dhe ato italiane, raportojnë se nga kjo situatë kërkon të përfitojë Juventusi.
Trajneri i Biankonerëve, Massimiliano Allegri dëshiron që ta rrit konkurencën në sulm dhe e sheh francezin si përforcimin ideal.
Zonja e Vjetër pritet që së shpejti të dërgojë ofertë zyrtare për huazimin e Martial me të drejtë blerjeje.
