Neroaxurët përsëri për shopping te Manchester United.
Inter dje dhuroi spektakël duke e mposhtur me rezultat të thellë prej 6-1 Bolognan.
Skuadra e Inzaghit po shfaq një formë të mirë, mirëpo lëndimi i Sensit dhe mungesa e Eriksen, ka detyruar që drejtuesit të kërkojnë përforcime për vijën e mesfushës.
Mediat italiane, raportojnë se Inter synon transferimin e Donny Van de Beek në merkaton e janarit.
Holandezi ishte i lidhur me një largim nga Old Trafford gjatë verës, por në fund vendosi të qëndrojë.
Mirëpo 24-vjeçari nuk po fiton shumë minuta në sezonin e ri dhe tani është i gatshëm të ndryshojë skuadër.
Neroaxurët kanë marrëdhënie të shkëlqyeshme me Djajtë e Kuq dhe synojnë huazimin e Van de Beek me opsion blerjeje.
