Pakënaqësitë tek skuadra e Juventusit duket se janë shumë të mëdha dhe dita ditës po pritet që ato të dalin në shesh.
Me rikthimin e Massimiliano Allegrit në krye të Zonjës së Vjetër ka shumë futbollistë që nuk janë aspak të kënaqur me udhëheqjen që ai po i bën skuadrës.
Njëri ndër ta është edhe Federico Chiesa i cili tashmë po kërkohet nga shumë skuadra të mëdha europiane ku njëra ndër to është edhe Real Madrid i Carlo Ancelottit.
Diariogol bën të ditur që Chiesa nuk është aspak i lumtur tek Juventus dhe po konsideron mundësinë e një kalimi tek Real Madrid gjatë merkatos së verës.
Carlo Ancelotti është i impresionuar nga italiani dhe transferimi i tij do të ishte një arritje e madhe për Los Blancos për të ardhmen e skuadrës.
