E ardhmja e Sergej Milinkovic-Savic aktualisht është ‘në ajër’ dhe ka interesim të madh për shërbimet e tij nga Serie A por edhe jashtë saj.
Mesfushori i Lazios po i konfirmon çdo ditë kualitetet e tij dhe çmimi prej 80 milionë eurosh që ka kartoni i tij po justifikohet padyshim.
Inter dhe Juventus kanë qenë duke e monitoruar situatën e tij prej kohësh tashmë por një emër i madh jashtë Italisë është gati për surprizën e madhe.
Po flasim për Real Madrid.
Carlo Ancelotti është një fans i madh i mesfushorit serb i cili me shumë mundësi është duke kaluar sezonin e fundit tek Lazio.
Claudio Lotito është treguar i qartë, kush do të ofrojë 80 milionë euro do ketë shërbimet e serbit.
